Heyetêkê HDPyî rayberîya Hemserek Mîthat Sancarî de Serekê CHPyî Kemal Kiliçdaroglu zîyaret kerd. Zîyaretî çarçewa Kampanyaya 'Her kesî rê edaletî' de ame kerdene.

HDPyî verî Partîya Saadetî (SP) zîyaret kerdbi. 

Zîyaret de Hemserek Sancarî reyde Vervatoxa Partî Ebru Gunay, Hetkarê Hemserekan Tuncer Bakirhan, Serekwekîlê Kome Saruhan Oluç û Wekîla Mersînî Fatma Kurtulan zî estbî.

Zîyaret qasê nêm saete dewam kerd û ame parekerdene pêvînayîş de seba bira Mehkemeya Heqanê Merdiman a Ewropa û awanîya demkrasî de pêşnîyazî dîyayî.

Mîthat Sancarî pêvînayîşî ra dima qisey kerd û îfade kerd ke ê do Partîya Gelecek û Deva zî zîyaret bikerê. Sancarî vat: ''Ma wazenê pêro muxalîfan reyde bêrê yewca. Seba demokrasî û weçînayîşanê demokratîkan ganî nika ra ma rayîranê xo xurt bikerê. Nika rojdemê ma de îtîfaqê weçînayîşî çin o. La asayîşê weçînayîşan meseleya verên a.''