HDPyî gerreyê Serekê verênî yê Dayîreyê Kontraterorî yê MÎTî Mehmet Eymurî û wezîfedaranê bînanê ke Eymurî reyde têgêrayê kerd. Eymurî 5ê teşrîna peyêne de roportajêk de îşkenceyo ke înan kerdo îtîraf kerdbi.

Komîsyonê Huqûqî û Heqanê Merdiman ê HDPyî gerrenameyî de vat: ''Çarçewa madeya 94. ya Qanûnê Ceza ya 5237. de sûc de ke bîyo babeta gerreyî (îşkence) semedo ke wextê vîyarteyî de nîyo, sere de îşkence, sûcê giranê ke ameyî îtîrafkerdene sey delîlî bêrê qebulkerdene û derheqê Eymurî û pêro berpirs/faîlan de prosesê tehqîqatî dest pê bikero ma nê waştişê xo pêşkêş kenê.''