Dewleta tirke ya îşxalkere rayîrê Tirbespîyê- Qamişloyî de pê droneyê çekdarî hêrişê wesayîtê Hemsereka Kantonê Qamişloyî Yusra Derwêş kerd, Derwêşe, hetkara ci Lîmane Şiwêş û ramitox Firat Tûma şehîd bîyî. HDPyî hesabê xo yê medyaya sanale ra eşkerayîye daye û hêrişê vera Rojawanî şermezar kerd.

Eşkerayîye de wina ame vatene: “Sey rêzê cînayetanê vera îradeyê şarê Rojawanî ewro hêrişê bombayinî de Hemsereka Kantonê Qamişloyî Yusra Derwêş, hetkara ci Lîmane Şiwêş û ramitox Firat Tûma şehîd bîyî. Ma nê hêrişî şermezar kenê. Seba ke nê suîkastê ke verê çimanê pêro dinya de yenê kerdene, cadê bêrê vindarnayene, ma veng danê ke rayapêroyîya dinya ke wa hîsgêr bo.”