Heyetê Rayberdişê Merkezî yê HDPyî pê eşkerayîyêke şehîdê menga gulane yad kerdî.

Eşkerayîye de wina ame vatene: ''Oxirê azadîya nê erdî de seba wisarê şaran xeylêk rayberê têkoşînê demokrasî û şorişî yê Tirkîya sey Kaypakkaya, Hakî Karer, Çaran û ê Nûrhaqî menga gulane de xeylêk şorişgêrî şehîd kewtî. Menga gulane wayîra mîrasêkê bêhempayî yê têkoşînî ya.

Hêrişê faşîzanî û tradîsyonê xoverdayîşê tarîxî yê vera hêrişan dewam kenê. Na teda û no zulm pê destê îqtîdarê AKPyî bi hawayêkê bêmabênî dewam keno. Labelê êyê ke pê tepiştişê sîyasetmedaran, pê tayînkerdişê qeyûman wazenê îradeyê şarî û polîtîkayanê tasfîye ra netîce bigêrê vizêr zî ser nêkewtî, ewro zî ser nêkewenê, siba zî do ser nêkewê. Ruho şorişgêr ê Kaypakkaya, Hakî Karer, Çaran, Denîzan û Sînan Cemgîlan seba berzkerdişê têkoşînî û qedînayîşê na tarîtîye veng dano. Rayîrê wayîrvejîyayîşê armanc û mîrasê înan pîlkerdişê têkoşînî, destvistişê demokrasî, azadî û têdûştî yo.''