Roşanê Newroze rê rojê hûmarteyî mendî. HDPyîjî semedê tewrbîyayîşê şayîyanê Newroze ke do bi şîarê Ma pê adirê Newroze xover bidê, azad bibê bêrê kedene venga şarî danê.

Komîteya Amadekarîya Newroze ya Çewlîgî da zanayene ke ê do 20ê adare de roja şemeyî (siba) şayîya newroze bikerî û ard ziwan ke warê Neweroze de tedbîrê Korona ameyî girewtene û destûrê şayîye ameyo girewtene. Komîte nê porsesê ke vera HDPyî dewa ameye kerdene û zextî zêdîyayî de waşt ke şar wayîrê partîya xo vejîyo û semedê tewrbîyayîşê Newroze veng da.

Newroze do 20ê adare de saete 11:00 de Kuçeyê Nêweşxaneyî bi tewrbîyayîşê Parlamentera HDPyî ya Îstanbulî Huda Kaya û Parlamenterê Çewlîgî Erdal Aydemîr, hunermendî Pinare Aydinlar û Azad Bedranî bêro kerdene.

Şirnex de zî rêxistinaê Hezex û Silopî esnafî zîyaret kerdî û semedê Newroze veng da. Wekîla HDPyî ya Şirnexî Nurane Îmîr û Mayê Haştîye tewrê xebatanê Hezexî bîyî.

Agirî de zî bi tewrbîyayîşê Parlementera HDPyî ya Bajarî Dîlane Dîrayet Taşdemîrî partîyîjan esnafî zîyaret kerdî û semedê Newroze veng da

Idir de zî bi tewrbîyayîşê Parlamerê HDpyî Habîp Eksîkî bajar de semedê tewrbîyayîşê Newroze vilawekî ameyî vilakerdene.

Qezayanê Nisêbîn û Qoserî yê Mêrdînî de zî amadekarîya Newroze dewam kena. Parlamentera HDPyî Pero Dundar twerê xebata Nisebînî bîye. Domanan verê wesayîtê birna û govend girewte.

Reyna Giresun, Balikesir, Adana û xeylêk bajaranê bînan de zî semedê tewrbîyayîşê Newroze HDPyîjî kuçe kuçe gerayî venga şarî da.