Şayîya Newroze ya Çewlîgî do 20ê adare de bêro kerdene
Çewlîg de muracatê Newroze hetê walîtîye ra ame qebulkerdene. Goreyê naye do şayîya Newroze 20ê adare de bêro kerdene.
Komîteya Amadekarîya Newroze ya Çewlîgî da zanayene ke murcatê înan ê semedê şayîya Newroze ke do 20ê adare de saete 11:00 de Kuçeyê Nêweşxaneyî de bêro kerdene, hetê walîtîye ra ame qebulkerdene.
Parlamentera HDPyî ya Îstanbulî Huda Kaya û Parlamenterê Çewlîgî Erdal Aydemîr, hunermendî Pinare Aydinlar û Azad Bedran do tewrê şayîye bibê.
