Bajarê Heilbronnî yê Almanya  de polîsan eşt komeleya kurdan û keyeyanê hemserekanê komele ser. Sereştişê ke saetanê serê sibayî de ameyî kerdene de berê komele ame şiktene.

Hemserekî ameyî destbendkerdene, rêçê engiştanê înan ameyî grewtene û fotografê înan ameyî antene dima ra serbest ameyî veradayene. Polîsanê almanan keyeyanê hemserekan de destna xeylêk çî-mî yê taybetî, telefon û computuran ser.

Polîsan bi hewayêkê hemwextî eşt komele zî ser, ber şikit û kewtî zere û destna xeylêk çî-mî ser.

Hemserekanê Federasyonê Komeleyanê Kurdîstanî  (FED-GEL) sereştişî şermezar kerdî û na eşkerayîye daye: "Hukmatê almanî şertanê huqûqê demokratîkî binpay kerd û newe ra eşt keyeyanê kurdan û dezgehanê ma ser.  Nê sereştişî do çirey kurdan têkoşînê ci yê demokratîkî ra dûrî mefînê. Ma do tim vera hêrişanê qirkerdişî yê dewleta tirke yê serê şarê kurdî û Kurdîstanî vinderê û bibê  vengê şarê xo."