Bajarê Heilbronnî yê Almanya de ciwanê kurdan û endamanê Antîfa vera polîtîkaya krîmînalîzasyonî yê Almanya ya ke vera kurdan dewam kena, rayraşîyayîş kerd.

Çend rojî verî Merkezê Komelê Demokratîkî yê Kurdan ê Heilbronnî hetê polîsan ra ame sereştene û xeylêk portreyê şervananê kurdan ê şehîdan ameyî destsernayene. Reyna di keyeyê kurdan bi hewayêkê hemwextî ameyî sereştene.

Çalakwanan bale ante zextanê vera kurdan ser ke her tim zêdîyene û veng da rayapêroyîya almanan ke wa vera na bêadaletîye bêveng memanê.

Çalakwanî verê Rojnameyê Heilbronner Stimme de eşkerayîye daye. Eşkerayîye de ame vatene ke no rojname tim falîyetanê komeleya kurdan sey sûcê krîmînalî dano  û nê tewirê ci ame şermezarkerdene.