Grubêka ke xo bi nameyê “Tîmê Qesasî yê Şehîd Çîyager û Şehîd Zeryane” name kena, bi eşkerayîyêk da zanayene ke helîkoptero ke tarîxê 11'ê Sibate de Stenbol/Çekmekoy de, taxa Kîrazliyî de ginayo war, hetê yewîna înan ra ameyo pirodayene.

Eşkerayîya serê çalakîye wina ya: “Helîkopterêko maket o bi kumanda yeno rapernayene, perwaneyê helîkopterî ra yeno pirodayene û helîkopter bi nê rengî yeno kewtene. Netîceyê na çalakîye de di serwanî û di payeberzî ameyî kiştene. Çalakîye seba paştdayîşê grevê vêşanîye û vera tecrîdkerişê Rayber Apoyî ame viraştene.

Selahîyetdarê dewleta Tirkî îdîa kerdibi ke helîkopter rîyê qeza ra kewto û eşkera kerdibi ke serwano pîlot Umît Ozer, serwan Semîh Ozcan, payeberz çawişo pispor Îlyas Kaya û payeberz serçawişo pispor Yakup Avşar merdî.

ÇALAKIYÊ MENGA SIBATE

Dewamê eşkerayîye de ame vatene ke hetê Tîmanê Qesasî  yê Şehîd Xemgîn Rojî û Şehîd Faraşîn Sîdarî ra menga Sibate de çalakîyî ameyê viraştene. Amed de wextanê cîyayan de 11 dikan û karxaneyê AKP'îyan ameyî veşnayene. 3 taxan de marketê BÎM’î ameyî veşnayene. Amed de xebatkarêkê PTT'î yo ke AKP'yî rê ajan û hetkarîye keno ame înfazkerdene.”