Hetkarê Hemserekanê DEM Partî Mehmet Ruştu Tiryakîyî derheqê caardişê desternayîşî de meclîs de eşkerayîye daye.

''Tiryakîyî vistvîrî ke şewatê ke Amed û Mêrdînî û bajaranê  bînan ê Kurdîstanî vejîyayî selahîyetdaranê dewlete mudaxaleyê ci nêkerd û êyê ke heta şewe bi operasyonanê  bi SÎHA, teyare û helîkopteran xo wasifnenê nînan semedê cuya hemwelatîyan û heywanan nêşuxilnenê.''

Mehmet Ruştu Tiryakîyî Bale ante destsernayîşê îradeyî ser û vat: ''Nika înan qeyûm kerdo tewirê sîyasetî. AKP 2014 de zî sîyasetê destsernayîşî domneno. Hemşaredarê ma yê Colemêrgî wezîfe ra vist dûrî û herinda ci de qeyûm ca kerd. Heqê vîjnayîş û vîjnaye yê şarê kurdî reyna destê cira ame girewtene. Kurdan rê sey timî xoverdayîş mend.''

Hetkarê Hemserekanê DEM Partî Mehmet Ruştu Tiryakîyî vat: ''Semedê AKPyî sînorê xirabîye çîn o.  Şaredarîyê ke binê deynî de verdayî seba ke hemşaredarê ci meşirê teberê welatî, semedê paştdayîşê ekonomîkî megurîyê, tekîlîya miyanneteweyîye aver meberê, mabenê şaredarîyan de pirdê wayûbiratîye romenê nika ra xeylêk hemşaredaranê ma rê tebervejîyayîşê welatî ame qedexekerdene. No qerarê mehkeme nîyo. Wezîrîya Zereyî bi  qerarê keyfî hemşaredaran rê teberê welatî qedexe kerdo. Ma nê qerarî red kenê. Şima şaredarîyê ma fînayî biney deynî û nêverdenê ma înan biyarê pêser. Ma rehet biverdê ke ma semedê şaredarîyanê xo çime biafirnê. Qedexeyê teberî wedarê.''