Hemşaredaranê DEM Partî şarî reyde mazbatayê xo girewtî û şarî reyde şîyî şaredarîyan ke qeyûman berê înan şarî rê qefilnabî.

Hemşaredaranê Colemêrgî Mehmet Siddik Akiş û Viyan Tekçe bi seyan kesan reyde mazbataya xo girewte.

Hemşaredaranê Geverî Şoreş Dîrî û Şadîye Kirmizigul zî şarî reyde mazbataya xo girewte. Wekîlê DEM Partî Onur Duşunmez zî hemşaredaran reyde şi şaredarîye. Duşunmezî tîya de rojbîyayîşê Rayberê Şarê Kurdî Abdullah Ocalanî fîraz kerd. Dima govende ameye girewtene.

Hemşaredaranê Mûşî Sirri Soylemez û Tuba Sayilgan serran ra dima destê AKPyî ra mazbata apey girewte. Soylemezî û Sayilgane ard ziwan ke ê do şarî reyde şaredarîye îdare bikerê.

Qezayanê Milazgîr, Kop û Gimgimî de zî hemşaredaran mazbatayê xo girewtî.

Hevşaredarên Mizlagirê Ahmet Kenan Turker û Gulistan Ozel û Hevşaredarên Kopê Aryan Dogan û Arafat Kardagi û Hevşaredarên Gimgimê Kiyasettîn Aydemîr û Gulbahar Kaya jî mazbatayên xwe wergirtin.

Êlih de Hemşaredaranê Awiskê Celîle Yildiz û Halîl Îbrahîm Karabulutî mazbataya xo Wekîle Zeynepe Oduncu, aktîvîstanê TJA û şarî reyde girewte. Hemsereka DEM Partî ya Êlihî Songule Korkmaz dima eşkerayîyêke daye û pare kerd ke ê do bêmabên seba Êlihî bixebitê.

Mêrdîn de Hemşaredaranê Şemrexî Kudrete Uçuk û Hamdîn Demîrî mazbataya girewte. Dima hemşaredaran verê şaredarîye de vat ke şar wayîrê îradeyê xo vejîyayo û şarî rê sipas kerd.