Hemseraka DBPyî ya Amedî Sevale Gulmez çarçewaya operasyonê qirkerdişê sîyasîyî de ewro serê sibayî keyeyê ci de hetê polîsan ra ameye destbendkerdene

26ê çeleyî de çarçewaya cipersayîşê Serdozgerîya Komare ya Amedî de polîsan eşt bînaya DBPyî ya Rezanê Amedî ser. Cigêrayîşê 7 saetan de polîsan bîna de dest na alayanê Têgêrayîşê Cinîyan ê Azadan (TJA), kovar, kitab û rojnameyan ser. Eynî wextî de banê Hemseraka DBPyî ya Amedî Sevale Gulmez ame sereştene û tede cigêrayîş ame kerdene. Seba ke Gulmeze rîyê janê Korona ra karantîna de bî nêameye girewtene. Ewro bado ke demê karantîna bi de polîsan reyna eşt keyeyê aye ser û Gulmeze destbend kerd.

5ê nîsana 2021î de operasyonê qirkerdişê sîyasîyî de  Sevale Gulmez pîya bi 26 cinîyan ameybî destbendkerdene û tepiştene. Gulmeza ke derheqê ci de bi îdîya ''endamîya rêxistene'' dewa ameye akerdene 6ê êlule de ameybî tehlîyekerdene.