Hemsereka HDPyî ya Mûşî Belma Nergiz ameye tepiştene
Hemsereka HDPyî ya Mûşî Belma Nergiza ke 11ê tebaxe amebî destbendkerdene, ameye tepiştene. Mêrdînî de Endamê Meclîsê Ciwanîye yê HDPyî Çekdar Ermîş ame destbendkerdene.
Hemsereka HDPyî ya Mûşî Belma Nergiza ke 11ê tebaxe sereştişê keyeyê ci de amebî destbendkerdene, ameye tepiştene.
Nergîze bi îdîaya ''endamîya rêxistine'' sewqê mehkeme bîye. Heyetê mehkme goreyê sûcdarkerdiş û waştişê tepiştişî yê dozgerî têgêra û qerarê tepiştişî da. Belma Nergîze şawîyaye zîndan.
Hetê bînî ra Qoserê Mêrdînî de Endamê Meclîsê Ciwanîye yê HDPyî Çekdar Ermîş otogar de ame destbendkerdene.
