Şarê Wanî seba şiknayîşê tecrîdê Îmraliyî xo seba rayraşîyayîşê Gemlîkî amade keno. Rayraşîyay do serkêşîya HDPyî de bêro kerdene. Hemsereka HDPyî ya Wanî Handane Karakoyun derheqê babete de ANFyî rê qisey kerd.

Handane Karakoyun ard ziwan ke destpêkî ra nata vera HDPyî teda, destbendkerdiş û tepiştişî est ê û vat: ''Tewr peyên 9 embazê ma tepişîyayî. Dewlete xebatanê ma sey sûcî mojnena. Ma do reyna na dafike birijnê. Dewaya Kobanê senî ke dafike bîye, na dewa zî dafik a. Ganî embazê ma bêrê veradayene. Tirkîya hewceyê haştî û demokrasî ya.''

Karakoyune dîyar kerd ke rayraşîyayîşê Gemlîkî zaf girîng o û vat: ''Seba wedaritişê tecrîdê vera Birêz Abdullah Ocalanî têkoşînê ma do tim dewam bikero. Zîndanan ra cenazayî yenê. Seba ke tecrîd biqedo ma roşa şemeyî saete 12.00 de ver bi Gemlîkî şorê. Ma venga şarê xo danê ke vera tecrîd, merganê tepişteyan û krîzanê sîyasîyan tewrê rayraşîyayîşê ma bibo.''