Hemserekanê Pêroyî yê DEM Partî Tulaye Hatimogullari û Tuncer Bakirhanî Şaredarîya Bajarê Pîlî ya Amedî zîyaret kerd. Wekîl û îdarekarê partîye yê bajarî zî tewrê zîyaretî bîyî. 

Hemşaredaranê Amedî Serra Bucak û Dogan Hatun û hemşaredaranê qexezayan heyet pêşwazî kerd. Rojnamegeran zaf eleqa mojna zîyaretî.

Bakirhanî şexsê şaredarîyan de şarê bajarî pîroz kerd û vat, “Ma pê bawer ê ke sere de Hemşaredarê Bajarê Pîlî yê  Amedî û şaredarîyê ma do bi xizmetê xo bibê lawiqê şarê xo.”

Tulaye Hatimogullari zî vist vîrî ke înan wextê weçînayîşan de sozê xizmetî dayo û vat: , “Şarê ma layiqê xizmetê tewr holî yo. Sere de Amed  heme şaredarîyanê ma de do şaredarîya zelal û demokratîke bêra kerdene.” 

Hemşaredaranê Pêroyî yê DEM Partî wextê zîyaretî de şampîyonîya Amedsporî zî pîroz kerd. Dima ra çapemenîye rê qefilnaye zîyaretî dewam kerd.