Hemserekanê HDPyî Pervîne Buldan û Mîthat Sancarî Roşanê Remezanî bi mesajêkî fîraz kerd. Mesajê înan wina yo:

''Roşanê Remezanî yê şarê ma bimbarek bo.

Mîyanê şer, apeyşîyayîş, îşxal, neheqî, xizanî, pandemî û zehmetîye de ma Roşanê Remezanî pê zerrîyêka xemgîne pêşwazî kenê.  Her hetê dinya de zalimê zorbazî seba menfaatanê xo erjanê merdiman binpay kenê. Wazenê zulm û tarîtîye pêl bi pêl vila bikerê û text û tacê xo qayîm bikerê. Ruhê roşanî aramîye, haştîye, paştdayîş o. Ruhê wayûbiratî, dostanî û yewrengî yo. Roşanê Remezanî yê emserînî de ma paştdayîşê xo xurt bikerê û vera neheqî, zulm û zorbazîye têkoşînê heq û edaletî berz bikerê. Nê roşanî de hêvî û waştişî no yo ke welatê ma û dinya de pêro dûayî seba wayûbiratîye, azadîye û weşîye yenê kerdene. Roşanê Remezanî wa bibo wesîleya şîfaya xêrîne û rojanê weşan û bereketînan bîyaro merdimîye.

Pê hêvîya ke xirabîye ma û merdimîye biterikna û roşan bibo wesîleya rojanê weşan û roşnîyan. Roşanê Remezanî yê pêro misilmanan bimbarek bo!''