Hemsereko Pêroyî yê Partîya Herêmanê Demokratîkan (DBP) Keskîn Bayindir 23yê kanûne de pa 14 hemserekanê şaristananê bînan de amebi destbendkerdene. Keskîn Bayindir dima ke Dozgerîya Amedî de îfade da, bi sûcê 'endamîya rêxistine' sewqê Mehkemeya Cezaya Sulhe ya Amedî ame kerdene. Bayindir mehkeme de sûcê 'endamîya rêxistine' ra tepişîya.

Îfadeyê Bayindirî ra dima Hemsereka DBPyî ya Amedî Sevale Gulmez, Hemserekê DBPyî yê Êlihî Burhan Eglentî û Rûkîyete Onat Gonul, Hemserekê DBPyî yê Riha Rabîa Aslan û Hîdayet Enmek, Hemserekê DBPyî yê Dîlokî Ethem Unal û Zelîha Arslan, Hemserekê DBPyî yê Şirnexî Zekî Îrmaz, Hemserekê DBPyî yê Mêrdînî Şerafettîn Aslan û Sureyya Dundar, Hemserekê Agirî Melîk Ozmuş, Hemserekê Wanî Şengule Polat û Karun Okayî bi şertê kontrolkerdişê edlî û qedexeyê tebervejîyayîşî vera dîyabî.

Hemserekê DBPyî yê Amedî Hayrettîn Altun zî tepişîyabi.