Amed de vizêr vera DBPyî operasyonê qirkerdişê sîyasîyî ama kerdene. Hemserekê Pêroyî yê DBPyî Keskîn Bayindir çarçeweya operasyonî de keyeyê ci ame sereştene û ame destbendkerdene.

Keskîn Bayindirî bi rayîrê avûkatanê xo mesajêk şawit. Bayindirî cigerayîş û destbendkerdişî sey bêhuqûqîye name kerdî û vat: ''Na rewşe leteyê konseptêkî ya ke rewna dewre de yo.  îqtîdaro ke ver bi vîjnayîşî vînî kerdo, operasyonê qirkerdişê sîyasîyî fînayî dewre. Pratîkê AKPyî yê heta ewro de zî xora yeno vînayene ke rewşe wina ya. Sekenê wa bikerî do vîn bikerê. Ma şarê xo rê selaman şawenê. Ma zere de bê zî, têkoşîn do dewam bikero. Embazê ma yê ke teber de yê do têkoşînî bidomnê. Çew nêeşkeno milê şarê kurdî çewt bikero.''