Xeylêk şaristanan de operasyonê qirkerdişê sîyasîyî yê vera DBPyî ame protestokerdene.

Wan de rayraşîyayîşêk ame kerdene. Bi seyan kesî verê bînaya DBPyî de ameyî pêser. Tîya de Endamê Merkezê Partîye yê DBPyî Okkeş Kavayî ard ziwan ke rixmê hêriş û tedayan zî DBP do apey gamêke nêerzeno. Wekîlê HDPyî Tayîp Temelî zî pare kerd ke ê do vera nê kerdişan çok nêşorê erdî ro. Girseyî dima bi sloganan î astengkerdişê polîsan rayraşîyayîş kerd. 

Rêxistina DBPyî ya Riha de sereştişê polîsan de ber şikîya, dest nîya kitab, ala û xeylêk eşyayan ser. Cigêrayîşî ra dima Wekîlê HDPyî yê Riha Omer Ocalan, temsîlkaranê dezgehan û xeylêk kesan verê bîna de eşkerayîyêke daye. Hemserekê HDPyî yê Riha Ahmet Atişî eşkerayîye daye û vat: ''Wa serkêşê nê operasyonan Suleyman Soylu hol bizanê ke ma do vera nê kerdişan sereyê xo nêarê war.'' Wekîlê HDPyî yê Riha Omer Ocalanî îfade kerd ke rixmê zulm û teda ê do têkoşînê xo rê dewam bikerê. 

Şirnex de polîsan serê sibayî eşt bînaya DBPyî ya şaristanî ser. Dima ke agahîyî ameyî eşnawitene girseyî verê bîna de operasyon şermezar kerd.