HDPyî vera operasyonê serê DBPyî bi eşkerayîyêke nêrazîbîyayîşê xo mojna.

Eşkerayîye wina ya:

''Ewro serê sibayî çarçewa operasyonê qirkerdişê sîyasîyî de polîsan eşt Merkezê DBPyî û rêxistinanê ci ser û Hemserekê DBPyî Keskîn Bayindir zî tede xeylêk îdarekarî destbend kerdî. No operasyon vera partîya ma û DBPyî operasyonê weçînayîşî yê AKP-MHPyî yo. Bi operasyonê vera DBPyî xespkerdişê îradeyê şarê kurdî yeno armanckerdene. AKP-MHP plan keno ke weçînayîşan ra verî bi kerdişanê antîdemokratîkan îradeyê şarê kurdî bixeniqno.

Nê prosesê weçînayîşan de xorinkerdişê tecrîdê Îmraliyî, îşkenceyê polîsanê qeyûman û hêrişê vera dadîyan û operasyonê vera DBPyî mojnenê ke stratejîya weçînayîşî ya AKP-MHPyî xorinkerdişê şerî, pakîkerdişê muxalefetî, bêvengkerdişê çapemenîye û vilakerdişê şîdetî yo. Bêguman şarê kurdî û hêzo rêxistinbîyaye do AKP-MHPyî weçînayîşan de bin bivisnê. AKP-MHP do nêeşko xo binkewtişî ra bixelisno.

Ma venga rayaumûmîya demokratîke danê ke wayîrê şarê kurdî û hêzê rêxistinbîyayeyî yê şarê kurdî vejîya û vera kayanê îqtîdarî vindera. Ganî bizanîyo ke her çiqas armanco sereke û lezabez ê îqtîdarî teslîmgirewtişê îradeyê kurdan bibo zî armancê ci yo esas teslîmgirewtişê pêro şaranê Tirkîya yo.''