Hemverê buroyê wêçînitişî yê Partîya Şaran a Demokratîke (HDP) yê Esenlerî yê Stenbolî de vizêr şewe hêriş ame kerdene. Kesê ke kewtê zereyê buroyî, heme ala û pankartî dirnayî.

Namzedê hemşaredarîya HDP’yî yê Esenlerî Celal Alphanî derheqê êrişî de ard ziwan ke, “Netîceyê hêrişî de ala û pankartî bi kardîyan ame parçekerdene û teberê tayê parçayan de hemeyî ameyê berdene. Bingeyê hêrişî ziwanê jehrin yê serekkomar Erdoganî yo. Wexto ke partîyê bînê buroyan akenê, persêka winasîye nêvejîyena verê înan. Wexto ke ê buroyêk akenê, heme rayîrê yenê padayene û heta ke akerdiş nêqedîya rayîrî anêbenê. La wexto ke ma akenê qet çîyêk nêkenê. Vizêr akerdişê buroyî de tewirê polîsan ra bewlî bî ke no hêriş do bêro kerdene. Alphanî ard ziwan ke înan derheqê hêrişî de çi hewca keno kerdê û destê înan de qeydê kamerayan estî.