Amed de hemverê banê organîzasyonê qezaya Bismilî ya HDPyî de vizêr nîmeyê şewe hêrişo bisîleh ame viraştene. Hêrişo ke hetê kesêk ke nasnameyê ci nêno zanayene ra ame viraştene dorê saeta 01.00 de virazîya.    

Seba ke a saete de banê partîye de çew çinêbi hêrişî de vîndîbîyayîşêkê ganî nêvirazîya, hesarêko qickek yo madî virazîya.

Polîsê ke hêrişî ra dima ameyî cayê qewimîyayîşî banê partîye de cigêrayîş kerd. Seba tepiştişê hêrişkaro ke goreyê qalkerdişanê şahidanê qewimîyayîşî ra 25-30 serre bi xebate amî destpêkerdene.

Îdarekarê partî yê ke hêrişî rê reaksîyon ramot do qewimîyayîşî dir eleqedar seba pêhesnayîşê sûcî muracat bikerê.