Hemvervatoxanê Partîya Çep a Keske Çîgdeme Kiliçgun Uçar û Îbrahîm Akinî seba turê diyînî yê weçînayîşê serekkomarîye raya xo daye.

Çîgdeme Kiliçgun Uçar qezaya Sultangazî ya Îstanbulî de raye daye. Weçînitoxanê bînan zaf eleqe mojna Çîgdeme. Çîgdeme dima ke raya xo daye venga pêro weçînitoxan da ke wa şorê sindoqan ser. Çîgdeme Kiliçgun Uçar vat: ''Raya xo bidê têdûştî, haştîye, kede û azadîye. Ma 14ê gulane ra hîna zaf verarê sindoqan şorê û ameyoxê xo bipawê. Wa netîceyê weçînayîşî bibê wesîleya haştî û azadîye.'' 

Îbrahîm Akinî zî qezaya Konakî ya Îzmîrî de raye daye. Akinî vat: ''Mela 28ê gulane de edalet, demokrasî û haştîye bêrê. Netîce se bena wa biba ma do têkoşînê xo rê dewam bikerê. Çunke ma rê têkoşînî ra ber rayîrêk çin o.''