Erdlerzê 6ê Sibate ra dima herêma erdlerzî de 44 dermanroşan dinyaya xo bedilnabî û tewr tay 200 dermanxaneyî texrîb bibî. Nînan ra semed dermanxaneyê sahra ronîyayî la seba ke destek nêdîya nê dermanxaneyî zî qefilîyenê.
Erdlerzê 6ê Sibate ra dima herêma erdlerzî de 44 dermanroşan dinyaya xo bedilnabî û tewr tay 200 dermanxaneyî texrîb bibî. Nînan ra semed dermanxaneyê sahra ronîyayî la seba ke destek nêdîya nê dermanxaneyî zî qefilîyenê.
Dermanxaneyanê sahra de qasê 4 hezar û 500 dermanroşanê zerrîwazan xizmet dayêne la seba ke dermanroşî hînî nêeşkenê malîyetê dermanan bivejê qefilîyenê.
Seba ke Wezîrîya Weşîye no karo zerrîwaz sey karê wezîrîye mojnabi raştê nêrazîbîyayîşêkê pîlî ameye. Zerrîwazan bi eşkerayîyêke dabi zanayene ke înan pê pereyê xo Kizilayî ra xeymî hêrînayê û Wezîrîya Weşîye qetî paştî nêdaya înan.
Wezîrîya Weşîye seba dermanan zî paştî nêdaye dermanxaneyanê sahra. Teyna xeyrwazan û fîrmayanê dermanan dermanî şawitêne înan.
Rojanê verênan ê erdlerzî de dermanroşî cade resayî herême û hîrê hewteyan de 10 şaristanan de 26 dermanxaneyê sahra ronîyayî. Bi beşdarîya dermanroşanê zerrîwazan û bexşê dermanan herêma erdlerzî de îhtîyacîye bi giranî amebî peydakerdene.
