Seranserê Ewropa de Kurdistanijî û hetê demokratî bi çalakîyan hêrişê dewleta tirkî protesto kenî.

DRAGUÎGNAN

Bajarê Draguîgnanî yê Fransa de Kurdistanijî vejîyayî meydanan û hêrişê dewleta tirkî yê serê kurdan û bêvengîya Ewropa rê hêrsê xo ard ziwan.

HAMBURG

Bajarê Hamburgî yê Almanya de zî Kurdistanijî û dostê înan vera hêrişê dewleta tirkî kuçeyan de bî.

Parlamenterê Partîya Çepî yê Almanya Martîn Dolzer zî tewrê çalakîye bi û vat ke dewleta tirkî bi hêrişê Mexmûr û Şengalî sucê merdimîye kerdo.

Hetê bînî ra çalakîya ke vera tecrîdê serê Rayberê şarê Kurdî Abdullah Ocalanî  yena viraştene roja 10ine de dewam kena.

MANNHEÎM

Bajarê Mannheîmî yê Almanya de zî rayberîya Merkezê Komelê Kurdî û Meclîsê Cinîyan ê Berîvan Ronahî de hêrişê dewelata tirkî ameyî protestokerdene.

Çalakwanan pankartê ‘Qirkerdişo ke Şengal û Mexmûrî rê beno wa bêro vindarnayene‘ kirişt û derheqê hêrişan de vilawekî vila kerdî.

ESSEN

Essen de zî bi çalakîyêk hêrişê dewleta tirkî yê vera Şengal û Mexmûrî ameyî protestokerdene. Çalakwanan ard ziwan ke şarê Mexmûrî tena nîyo û mesajê paştîdayîşî dayî.

MUNÎH

Munîh de zî vera hêrişanê dewleta tirkî Kurdistanijan bi çalakîyêk hêrsê xo ard ziwan û bêvengîya hukmatê Almanya û Ewropa zî şermezar kerde.

KASSEL

Bajarê Kasselî de zî ciwananê kurdan û dostanê înan bi rayraşîyayîşêk hêrişê dewleta tirkî şermezar kerdî.

STUTTGART

Stuttgart de  zî çalakîya grevê vêşanîye ya vera tecrîdî de hêrişê dewlata tirkî ameyî protestokerdene.

BREMEN

Bremenî de zî bi çalakîyêk hêrişî ameyî protestokerdene û Almanya û Yewîya Ewropa ra ame waştene ke vernîya hêrişan bigêrî.

DARMSTADT

Bajarê Darmstadtî de zî hêrişê serê Mexmûr û Şengalî bi çalakîyêk ameyî protestokerdene.

ROMA

Paytextê Îtalya Roma de zî Kurdistanijî vejîyayî kuçeyan derheqê hêrişê dewleta tirkî de vilawekî vila kerdî û Ewropa ra waşt ke bêvêng memano.

TORÎNO

Bajarê Torîno yê Îtalya de zî hêrişê dewleta tirkî ameyî şermezarkerdene û seba vindarnayîşê hêrişan veng dîya rayapêroyî ya mîyanneteweyîye.

NAPOLÎ

Bajarê Napolî yê Îtalya de zî bi heman waştişî şaro kurd û dostê înan kuçeyan de bî. Çalakwanan çalakîya Leyla Guvene zî silam kerde û vat ke waştişê Guvene waştişê ma yo.

BRUKSEL

Paytextê Belçîka Bruksel de zî YJK-B û NAV- BELî çalakîyêk organîze kerde. Çalakwanan bi slogananê ‘Erdogano kiştox, dîktator’î hêrişê dewleta tirkî şermezar kerdî.

DEN HAAG

Bajarê Den Haagî yê Hollanda de zî Kurdistanijan verê Dîwanê Edaletî yê Laheyî de mîtîngêk viraşt û bale ante hêrişê dewleta tirkî yê serê kurdan û bêvengîya Ewropa.

LONDRA

Paytextê Îngilîstanî Londra de zî bi çalakîyêk hêrişê dewleta tirkî yê serê Mexmûr û Şengalî ameyî protestokerdene.