Çarçeweya vengdayîşê çalakîyanê lezabezan ê KCDK-E de bajaranê Vîyana  û Grazî yê Avusturya de hêrişê dewleta tirke yê vera Rojawanî ameyî şermezarkerdene.

Vîyanê de kurdî û dostê înan waro ke tede zaf turîstî est ê Stephansplatz de ameyî têhet. Çalakîye de ame vatene ke dewleta tirke cinî, doman, extîyar nêvena Rojawan de şarî qetil kena û ame vengdayene ke wa verê nê şerî bêro girewtene. Çalakwanan seba ke PKK lîsteya terorî bêro vetene îmzayî arê dayî.

Bajarê Graz de zî bi eynî waştişî kurdî meydanan de bî. Çalakîye de balê ameye antene hêrişanê vera Kurdîstanî ser û bêvengîya Ewropa ameye şermezarkerdene. Qiseykerdişan de ame waştene ke wa hêzê mîyanneteweyîyî şirê dewleta ser ke wa no şer bêro vindarnayene.