Bajarê Toulouse yê Fransa û bajaranê Malmo û Goteborgî yê Swêdî de hêrişê îşxalî yê dewleta tirke û hemkarîya PDKyî ameyî şermezarkerdene.

Malmo û Goteborg de vera hêrişanê dewleta tirke yê vera Kurdîstanî hetê xeylêk organîsyonan ra çalakîyî ameyî kerdene. Çalakîyan de veng dîya hukmatê Swêdî de wa çarçeweya endamîya NATOyî de dewleta tirke reyde îtîfaq nêkero. Qiseykerdişan de ame vatene ke PKK, YPG û YPJ semedê azadîya şarê xo têkoşîn kenê û waştene ke wa PKK lîsteya terorî bêro vetene.

Toulouse de zî semedê şermezarkerdişê hêrişanê vera Kurdîstanî mîtîngêk ame kerdene. Mîtîng de derheqê hêrişan de zanayîş ame dayene û xoverdayîşê gerîlayan ame selmakerdene.