Xeylêk welatanê Ewropa de kurdî û dostê înan vizêr reyna vera şuxulnayîşê çekanê kîmyewîyan yê dewleta tirke vejîyayî waran û veng da dezgehanê eleqedaran ê mîyanneteweyî ke wa berpirsîyarîya xo bîyarî ca.

Paytextê Avusturya Viyane de kurdîstanijan derheqê şuxulnayîşê hêrişanê kîmyewîyan de dosyayêke teqdîmê Rêxistina Efû kerde.

Paytextê Yunanistanî Atina de ciwanan kuçeyê tewr sixletî yo ke bînaya hukmatî tede ya çalakîye kerde bale ante hêrişanê dewleta tirke ya îşxalkere ser.

Bajarê Hannoverî yê Almanya de ciwanan pê çalakîya bêîteatîya sîvîle vat gerîlayî têna nîyê.

Bajarê Bremenî yê Almanya de şar vera şuxulnayîşê çekanê kîmyewîyan vejîya kuçeyan û xoverdayîşê gerîlayan selam kerd.

Bajarê Bielî yê Swîsre de kurdanê ke hêrişê kîmyewîyî yê dewleta tirke şermezar kerdî mesajê xurtkerdişê têkoşînî dayî.

Bajarê Solothurnî yê Swîsre de çalakîya vera hêrişanê kîmyewîyan de veng dîya welatanê Ewropa ke wa şirê Tirkîya ser.