Sarê Sîyajin Aras 1 serre ya û nêweşa SMA TÎP1 a. Keyeyê Sarê yo ke qezaya Kanîreşî yê Çewlîgî ra yo, Îstanbul de ciwîyeno. Dermanê Sarê zaf vay ê. 6 mîlîgramê dermanî 2,4 mîlyon dolar o. 

Keyeyo ke rewşa ci ya madî hol nîya, seba Sarê kampanyaya hetkarîye ya bi nameyê 'Sarê rê bibe hêvî' daye destpêkerdene

Seba ke Sarê biciwîya ganî mîyanê serrêke de no derman bêro peydakerdene. Eke Sarê biba 2 serre hînî derman fayde nêkeno.

Seba Sarê merdimanê  ci Şehrîbane, Berfîne Aras û embaza înan Seyrane Çelîk Hamburg de warê bazarî de standêk kenê a û paştî danê kampanya.

Şehrîbane vat: ''Walîtîya destûr nêda kampanyaya 'Sarê rê bibe hêvî'. Ma zî medyaya komelkîye ser o kampanya daye destpêkerdene. Berfîne û Seyrane zî bazar de hacetan roşenê û paştî danê kampanya. ''

Seyrane zî îfade kerd ke ê wazenê wa Sarê biciwîya û vat: ''Ma wazenê bibê vengê Sarê û keyeyê ci. Ma venga pêro merdiman danê ke paştî bidê na kampanya.''

Êyê ke wazenê paştî bidê eşkenê Sarê ''Sarêyeumutol / Instagram, @Sarêyeumutol / twitter, Sarêyeumutol / facebook '' ra xo biresnê keyeyê ci. 

Hesabê banka yê seba Sarê wina yo:

Kuveyt Türk 

Sarê Siyajin Aras

IBAN: TR79 0020 5000 0966 3776 4000 01

BIC/SWIFT: KTEFTRIS

Seba ke şima biresê pêro hesaban eşkenê nê lînkî bixebitnê:  http://taplink.cc/Sarêyeumutol