Goreyê eşkerayîya nuştekî ya Serekkomarê Fransa, Mocronî temsîlkaranê Federasyonê Vakur û Rojakewtena Sûrîye ra vat, “Têkoşînê vera DAÎŞ’î de paştdayîşo xurt ê Fransa do dewam bikero.”

Mocronî soz da ke ê do paştdayîş bidê

Qesra Elysee'yî da zanayene, DAÎŞ hîna zî seba asayîşê hemparî tehdît o û bi taybetî babeta rewşa çeteyanê DAÎŞ’ijan ê ke ameyê tepiştene û keyeyê înan de paştdarîye înan a seba Rayberîya Vakur û Rojakewtena Sûrîye do dewam bikera.

Mabênê heyeto ke Mocranî reyde pêvînayîş kerdo de, Hemserekê Federasyonê Vakur û Rojakewtena Sûrîye Ebîd Hemîd Mehbaş û fermandaranê YPJ'î ra Nesrîn Ebdullahe ca girewt. Heyetî pêvînayîşî ra dima kombîyayîşêkê çapemenîye viraşt.

Têkoşînê vera DAÎŞ’î û Paştdayîşo malî

Ebîd Hemîd Mehbaşî derheqê pêvînayîşî de bi Erebkî qisey kerd û Temsîlkarê PYD’yî yê Fransa Xalîd Îsayî zî qiseykerdiş ey açarna bi Franskî. Mehbaşî ard ziwan ke têkoşînê vera terorîzmî de hewdarîya înan a bi hetkarîye esta û vat, Macron na babete de reyna soz dayo ke ê do herkarîye bidê.

Ganî sînoro ke Tirkîya reyde esto de aramîye biba

Ame zanayene ke pêvînayîşî de hêrişê Tirkîya zî ameyê ercnayene. Mehbaşî vat, “Serekkomarî hetê bînî ra da zanayene ke ganî sînoro keTirkîya reyde esto de haştîye û aramîye bêra aferneyene.”

Mehbaşî vat, “Sere de Tirkîya ma wazenê têkilîyê cîranî yê başî bibê.”

Berê ma seba haştîye akerde yê

Hebaşî da zanayene, Macron vat ganî paştdayîşê seba Hêzanê Sûrîyeya Demokratîkê (QSD) dewam bikerê û no derheq de vat, têkilîya înan bi Rûsya zî esta. Mehbaşî vat, “Heme berî akerde yê” û seba persê “Rejîmê Sûrîye zî mabên de esto yan ney?” rê no cewab da: “Seba haştîye şaranê Sûrîye, seba kara şaran û prosesê derbazbîyayîşî, ma heme berî akerdê.”

Seba muhakemekerdişê çeteyanê DAÎŞ’î yê mehkemeya mîyanneteweyî ya herême Mehbaşî vat, “Na babete hîna merheleya munaqeşekerdişî de ya.”