Badê zîyaretanê dewleta tirke yê Bexdad û Hewlêrî narey Haşdî Şabî ra heyetêkî Tirkîya zîyaret kerd.

Selahîyetdaranê Tirkî eşkera kerd ke serekîya Rayberê Haşdî Şabî Fatih El Feyyadî de heyetêk ewro Wezîrê Karanê Teberî yê Tirkî Hakan Fîdanî reyde Anqara de ame têhet.

Wezîrîya Karanê Teberî yê Tirkî bi vateyêkê kilmî pêvînayîş da eşnawitene la detayê ci nêdayî. La no pêvînayîşê badê zîyaretanê selahîyetdaranê tirkî yê herême ame kerdene.

Wezîrê Karanê Teberî yê Tirkî Hakan Fîdan, Serekê MÎTî Îbrahîm Kalin û Wezîrê Pawitişî Yaşar Gulerî wextêko kilm cuwa ver Bexdad û Hewlerî zîyaret kerdî selahîyetdaran reyde pêvînayîş kerdî.