Patlamentera HDP’yî ya Êlîhî Feleknaz Ûca û temslîkarê Konseya Ewropa ya HDP’yî Fayîk Yagizayî Strasbourg de selahîyetdaranê  CPT’yî dir pêvînayîş viraşt. Yagizayî pêvînayîşî ra dima eşkerayîyêk daye û vat ke înan rexnê û waştişê şarê Kurdî resnayî selahîyetdaranê CPT’yî.

Goreyê Yagizayî pêvînîyîşî de ame vatene ke bi sebebo ke CPT  berpirsîyarîya xo nê arde ca tecrîd yeno domanyene  û zîndanan ra meyîtî vejîyayî. Waştişê şarê Kurdî însanî yê û ganî CPT semedê caardişê çalakwananê grevê vêşanîye  çîyêk bikero. Yagizî da zanayene ke CPT’yî rexneyê şarê Kurdî qebûl nêkerdî û vat ke înan xeylî reye selahîyetdaranê Tirkî dir pêvînayîş viraştî û  semedê çareyêkê mendeyî xebiteyenê.‘‘

Pêvînayîşanê verênan ê CPT’yî de înan vatbi ke şarê Kurdî rolê ma gird keno. La xora  senî ke yeno zanayene karê înan vergirewtişê îşkenceyî yê zîndanan o. Serra 2007’î de xebera axubîyayîşê Rayberê Şarê Kurdî Abdullah Ocalanî ra dima grevê vêşanîye yê bêdem û bêagêrayîşê dest pêkerd bi û CPT kewtbi dewre û grev roja 39’ine de amebi qedînayene. Kurdî zaf hole zanê ke  rol û karê CPT’yî çî yê û wazenê ke wazîfeyê xo bica bîyarê.