Çar çalakwanî Omer Bagdûr, Cemal Kobanê, Şîyar Xelîl û Mele Mûstafa Tûzak yê ke semedê wedartişê tecrîdê serê Rayberê Şarê Kurdî Abdullah Ocalanî  bajaranê Kassel, Duîsburg û Nurnbergî yê Almanya de dest bi grevê vêşanîye kerdbî, menga Adare ra nata çalakîya xo paytext Berlîn de domnenê.

Rayberîya hemsereka PYD’yî ra Ayşe Hiso ya ke semedê tayî gureyanê dîplomatîkan Berlîn de ya, bi heyetêk çalakwanî zîyaret kerdî. Pevînayîşî de domananê aktîvîstan pankarta, ‘Ma bi şima sereberz ê‘ akerde. Ayşe Hiso bale ante mîsyonê Rayberê Şarê Kurdî Abdullah Ocalanî ser û va: ‘‘Ma vînenê ke rixmê xidarbîyayîşê rewşa şima, şima çalakîya xo rê dewam kenê. Heme Rojawan waştişanê şima rê wayîr vejîyeno. Şarê Rojawanî şima rê silamî şawitî.  Senî ke şarê Rojawanî, bitaybetî zî cinîyê azadî yê ke Rayber Apoyî bi fikrê xo afernayî, DAÎŞ qedêna, no tecrîd zî do miheqeq bêro wedartene.‘‘