Mengê hamnanê 1984an... Wexto ke Kurdîstan de çend gerîlayan amadekarîya çalakîyanê Dih û Şemzînanî kerdêne Ewropa de komanê welatperweranê ke dormeyê Têkoşînê Azadîye de kom bibî, bira çalakîya 'Rayraşîyayîşê Dergî' daye.

24ê nîsana 1984î de bire ameye dayene ke rayraşîyayîş di baskan Hannoverî û  Hanau ra ber vi paytextê ê çaxî Bonnî bêro kerdene û qirayîşê Kurdîstanî do bêro eşnawitene. Sembolê xoverdayîşê Cizîre Binavş Agal, kedkarê rojnameyê Serxwebûnî û ronayoxê Ozgur Polîtîka Enver Polat û Rauf Arbay û Vahdettîn Kitay zî tewrê rayraşîyayîşî bîyî.

Girseyî waştêne rayberanê PKKyî ra Mehmet Karasungur û Îbrahîm Bîlgîn ê ke Başûrê Kurdîstanî de netîceya komployêkî de ameybî qetilkerdene yad bikerê. Wird baskî 10ê gulana 1984î de Bonn de resayî yewbînan, roja bîne bi tewrbîyayîşê 130 çalakîkeran hûmara girseyî resaye 500 û nê çalakîkeran nawnayîşêk serûber kerd.

11ê Gulana 1984î

11ê gulana 1984î de çalakîkeran rayraşîyayîşê 16 saetan ra dima Koln de şewa paştdayîşê organîze kerde  ke hunermendî Hozan Mizgîne, Hozan Sefkan, Serdar û Hozane Zozane tewrê ci bîyî. Seba naye Komeleya Hunermendan ê Welatperweran a Kurdîstanî (HUNERKOM) salona Zanîngehê Kolnî tepişte. Salone bi çalakîkeran bibî pirr. Rojanmeyê Serxwebûnî hûmara xo ya hezîrana 1984î de wina qala na şewe kerde:

''Şewe de hozanê şarî Mizgîn, Sefkan, Serdar, Zozane, Çîya û Koma Berxwedan bi deyîranê xo yê şorişî û ekîpê folklorî yê HUNERKOMî amade bîyî. Girseyî xoverdayîş û rayberîya xo payan ser o yad kerdî û bi deqaya çepikî dayî piro. Salone de sloganê sey 'Biciwîya Partîya Karkerkan a Kurdîstanî,  'Bijî Serok Apo' (Biciwîyo Serek Apo) ameyî vatene.''

Vateyê Seyîdxanî

A şewe no slogan reya verêne ame vatene. Hunermend Seyîdxan zî tewrê şewe bibi Seyîdxanî derheqê şewe de wina qisey kerdbi: ''Çalakîkeran portreyê Rayber Apoyî ardbi salone. A hêle embazan ra yew bi vengêkê berzî vat: 'Biciwîyo Serekê ma Apo'. Dima her kes werişt payan ser û bi deqayan slogan vat.''

Reya verêne a şewe

Berpirsê rayraşîyayê basê Hannover-Bonnî Mehmet Demîrî zî derheqê sloganî de wina vatêne: '' Biciwîyo Serekê ma Apo reya verêne a şewe eşnawîya. Dima no slogan vila bi û vurîya Biciwîyo Serek Apo.''

Ocalanî seba sloganî vatbi se? 

Slogan peynîya serranê 1980an de Ewropa, Rojawan û Vakurê Kurdîstanî ra û metropolê Tirkîya ra vila bi.

Medyaya tirke û dinya no slogano encax adara 1990î de rojanê serewedaritişî yê Nisêbîn, Cizîre û Amed de dî. O çac rojnamegeranê xerîban ê şîyêne Akademîya Mahsum Korkmazî slogan meraq kerdêne. Abdullah Ocalanî derheqê sloganî de wina cewab da rojnamegerêkî:

''Seba rayberîye vengîyêke estbî. Key û senî dest pêkerd ez nêzanena. La raştîyêke esta ke şarê kurdî wina bi asanî rayberîya xo nas keno. Înan rê îxanet ame kerdêne la reyna zî nas kenê. Ewro perwerîye sey çeme ni mîlyonan de geş bîye.''