Hîldesheîm de çalakîya cinîyan ya vera tecrîdî hewteyê 3. de ya
Çalakîya xeyme ya Hîldesheîmî ya ke semedê baleantişê tecrîdê serê Rayberê Şarê Kurdî Abdullah Ocalanî yena viraştene, hewteyê 3. de ya .
Ewropa de çalakîyê Kurdan ê vera tecrîdê serê Rayberê Şarê Kurdî Abdullah Ocalanî û paştdayîşê grevê vêşanîye dewam kenê.
Bajarê Hîldesheîmî yê Almanya de çalakîya xeyme hewteyê 3. de dewam kena. Çalakîya ke hetê Komunê Cinîyan ê Şehîd Meryeme ra yena viraştene, Govenda Koma Azadî zî paştî daye ci. Xeyme de derheqê tecrîd û grevê vêşanîye de zanayîş yeno dayene û dezgehanê Ewropa ra yeno waştene ke berpirsîyarîya xo bica bîyarê û vera tecrîdî çîyêk bikerê.
