AKP weçînayîşanê 14ê gulane de zî pê metodanê gemarinan dewre de bi. Îqtîdarê AKPyî diznayîşê rayan reyde weçînitoxî kiriştî, sindoqî kerdî yew û adresanê xeyalîyan de weçînitoxî mojnayî. 

AKPyî Wan de di seferê teyarayan betal kerdî ke weçînitoxî nêşorê raya xo nêdê. 

Kemalettîn Demîro ke erdlerz de keyeyê ci xera bîyo û Kalecîk de maneno da zanayene ke mudirîya nufusî adresê ey de kesê nenasî qeyd kerdê. Reyna Abdurrahman Şeylan ke qoricîyanê AKP-MHPyî ra yew o qezaya Edremîtî ra 2 hezar û 500 weçînitoxî derbazê qezaya Şaxî kerdê.

Waştişê walîyanê înan ser Heyetê Weçînayîşê Berzî Wan, Dêrsim, Şirnex, Sêrt, Mêrdîn, Qers, Colemêrg, Erzîrom, Erzîngan, Xarpêt, Amed, Bedlîs, Çewlîg, Êlih û Agirî de 40 hezar sindoqî yew kerdî.

Wekîlê HDPyî yê Antalya Kemal Bulbulî derheqê hîleyanê AKPyî de ANFyî rê qisey kerd.

Bulbulî vat: ''Çîyo ke tira vajîyeno asayîşê weçînayîşî, teyna sey şuxilnayîşê rayan û hûmaritişê rayan fam beno. No raşt nîyo. Asayîşê weçînayîşî rewşa demokratîk a, azadîya fikran, têdûştî, edalet, xoserbîyayîş, heqê propagandaya têdûşte yo. Êyê ke xeyalanê Enver Paşayî kenê do bin bikewê. A raşte Kemal Kiliçdaroglu weçînayîşan de ser kewt la AKPyî nêda.''