Merkezê Îrtîbatî û Çapemenîye yê HPGyî derheqê çalakîyanê gerîlayan û hêrişê artêşa tirke de eşkerayîye daye û nê pare kerdî:

''27ê teşrîna verêne de erazîya Şehîd Pilingî yê Warê Xoverdayîşî yê Girê Hakarî de îşxalkerî hetê hêzanê ma ra gerîyayî binê kontrolî û masefeyo nizdî ra ameyî pirodayene.Netîceya çalakîya serkewtîye de 12 îşxalkerî ameyî cezakerdene û 8 îşxalkerî birîndar bîyî.

Pêkewtişan  û hêrişanê hewayî de hemrayê ma Sîpan, Cesur, û Rojgerî yê ke pê hewayêkê qehremankîyî şîyî dişmenî ser û derbeyê girdî dayî piro tewrê kerwanê şehîdan bîyî. Ma do nasnameyê hemrayê xo Rojgerî pêra bare bikerê.

Hemrayê ma yê ke şehîd bîyî nasnameyê înan wina yê:

Nameyê Qodî: Sîpan Karakoçan Name û Peyname: Xalid Temê Cayê Bîyayîşî: Tirbespiyê Maye-Pî: Şemşê – Ebdulganî Tarîx û Cayê Şehadetî: 27ê Teşrîna Verên a 2022yî / Metîna

Nameyê Qodî: Cesur Roboskî Name û Peyname: Adem Encü Cayê Bîyayîşî: Şirnex Maye-Pî: Mehdiye – Mahit Tarîx û Cayê Şehadetî: 27ê Teşrîna Verên a 2022yî / Metîna

Hemrayê Sîpan bajarê Tirbesipîyê yê Rojawanê Kurdîstanî de yeno dinya û keyeyêkê welatperwerî de beno pîl.  2013 de bado ke çeteyan sere de hêrişê Serêkanîyê kerd sefanê xoverdayîşî de cayê xo girewt. Tewrê Hêzanê Taybetan bi badê perwerdeyê yew serre 3 serrî pratîk de cayê girewt. Dima ra sey fermandarê yewîye ravêrt Metîna û warê Zendûra - Hirorê de tewrê xebetan bi. Hemrayê ma Sîpanî  2021î de Metîna de vera hêrişê îşxalî xeylêk çalakîyan de ca girewt. Tewr peynî de gama ke warê Şehîd Pilingî de tewrê çalakîye bîye pîya bi hemrayanê xo Cesur û Rojgerî derbeyê girdî dayî dişmenî ro û sey qehremanêkê sembolî yê Hemleya Şorişgêre ya Cengê Xebûrî tewrê kerwanê şehîdan bi.

Hemrayê ma Cesur sey endamêkê eşîrê Goyî qezaya Qilebanî ya Şirnexî de yeno dinya û bi kulturê welatperwerîye beno pîl. 34 welatperwerê ma yê ke Qirkerdişê Roboskî de ameyî qetilkerdene mîyanê înan de merdimê hemrayê ma Cesûrî est ê.  2014 de seba ke hesabê qirkerdişan biperso,  tewrê sefanê gerîlayan beno. Badê pewredeyê verênî û pratîkî perwerdeyê branşî zî vîneno û dima ra ravêreno Metîna. Metîna çalakîyan verê îşxalkeran de rolêkê xurtî kay keno. Sere de hemrayê ma Cesur ma soz danê ke ma do waştişê şehîdanê xo yê bimbarekan bîyarê ca.

Sere de keyeyê ercîyayeyî yê hemrayanê ma Sîpan û Cesurî wa sereyê heme şarê welatperwerî yê Kurdîstanî weş bo.

9ê teşrîna peyêne de Warê Xoverdyaîşî yê Çemçoyî de îşxalkerî pê taktîkê suîkastî ameyî pirodayene, îşxalkerêk ame cezakerdene. Warê Xoverdayîşî yê Sîda  û Warê Xoverdayîşî yê Girê Şehîd Şahan de zî îşxalkerî ameyî derbkerdene.  Warê Xoverdayîşî yê Girê Şehîd Derwêşî de îşxalkerî ameyî pirodayene, 2 îşxalkerî ameyî cezakerdene û mewzîyeke ameye îmhakerdene.

Artêşa tirke ya îşxalkere 9 teşrîna peyêne de mewzîyê şerî yê Şehîd Çekdarî yê Warê Xoverdayîşî yê Girê Cûdî, mezîyê şerî yê Şehîd Serxwebunî yê Warê Xoverdayîşî yê Çemçoyî û mewzîyê şerî yê Şehîd Felatî yê Warê Xoverdayîşî yê Sîda pê çekanê kîmyewîyan û bombayanê qedexeyan dayî bombayan ver. Reyn Warê Xoverdayîşî yê Çemço, Sîda, Saca, Girê Amediyê, Girê Cûdî û Girê FMyî pê obus, tanq û çekanê giranna dîyayî bombayan ver.''