Amed de operasyonê qirkerdişê sîyasî de xeylêk kesî ameyî destbendkerdene. Polîsan eşt keyeyê Agîd Îpekî ser zî ke cenazaya ci pê kargoyî erşawîyabî.

Agîd Îpek 201 de Dêrsim de pêkewtişêk de şehîd bibi û cenazaya ci serran ra dima pê kargoyî erşawîyabî keyeyê ci.

Polîsan eşt keyeyê dadîya Agîd Îpekî Halîse Aksoyî ser. Rixmo ke dayîke Halîse keye de nêbîye polîsan keye de cigêrayîş kerd, keye serûbin kerd. Polîsan sereştiş de kênaya Halîse Aksoy rê vat: ''Dadîya to keye de têna manena? Çew yeno hetê aye? Çira no parfum tîya de yo? Dadîya yo nê kitaban waneno?''

Polîsanê tirkan kênaya Aksoye rê Agîd Îpek zî pers kerdo. Waya Îpekî vat: ''Dewlete pê kargoyî cenazaya ci şawita.''

Polîsan dest na kitaban û mektuba ke Roja Dadîyan de erşawîyabî Halîse Aksoy ser.