Dayîke Halîme Aksoya ke cenazaya lajê ci yê  gerîlayê HPGyî Egîd Îpekî pê kargo teslîmê ci bibî, bi derbkerdişî ameye destbendkerdene.

Seba ke endamê Heteyê Rayberdişî yê Meclîsê HDPyî meymanê Halîmê Aksoy yê polîsan eşt keyeyê ci ser. Sereştişê polîsan de berê keyeyî ame şiknayene û Aksoye pîya bi meymananê ci rîyî ser o erdî de ameyî raqeldîyayene. Keyeyê de 5 saete cigêrayîş ame kerdene û Aksoye meymananê xo ya pîya bi derbkerdişî ameye destbendkerdene. Meymanan ra yew sareyê ci şikîya. Badê îfadegirwetişê 4 saetan Aksoye pîya bi meymanê xo ameye veradayene.