Endamê Înîsîyatîfê Mayanê Haştîye maya gerîlayê HPGyî Egîd Îpekî Halîse Îpeka ke meyîtê lajê ci pê kargo ci rê ame şawitene rê mesajê paştdayîşî şawitî û dejê ci pare kerd.

Rafîye Ozbey: Dejê maya Halîse dejêko zaf gird o. Ma sey mayan kesanê ke no dejê dayo aye ciwîyayene ma înan şermezar kenê. Dinya de çîyo winayên nêameyo dîyene. Tirkîya welato verêno ke meyîtî pê kargo şaweno. Rîyê janî ra ma hema nêşîyê zîyaretê maya Halîse, ma tîya ra ci silam kenê û dejê ci pare kenê. Ma do nê dejî çirey xo vîra mekerê û seba ke dejê winayên hîna merê kerdene xoverdayîşê xo xurt bikerê.

Nafîye Yigit: Rixmo ke Halîse Îpek bi serran dimayê meyîtê lajê xo de gêrayî cenaza nêameye dayene. Vera nê qewimîyayîşî dej û hêrsê ma gird o. Ganê ma zaf deja. Ma dejê maya Halîse pare kenê û ci rê serweşîye wazenê. Têkoşînê ma do dewam bikero.

Xeslete Oncu: Yew maye rê meyîtê lajê ci pê kargo şawenê. No senî yew xirabîye ya, ez fam nêkena. Nê zaf ganê ma dejna ke ma do çirey xo vîrî ra mekerê. Hûma sabir bido maya Egîdî.

Behîye Yalçin: Ez bi nameyê heme mayan Halîse Îpek silam kena. Ma meyîtanê xo paketanê kargo de nêwazenê. Ma haştîyêka bianore wazenê ke wa heme qijê ma weş û war agêrê keyeyanê xo.