Meclîsê Cinîyan ê HDPyî pê kargo şawitişê cenazaya gerîlayî sey teberê merdimîye name kerd û vat: ''Vera polîtîkaya şer û zulmî yê îqtîdarî ma do vengê xo berz bikerê û çirey nê fotografî xo vîr ra mekerê.''
Meclîsê Cinîyan ê HDPyî bi seba ke canazaya gerîlaya HGPyî Egîd Îpekî bi kargoyî keyeyê ci ameye şawitene eşekrayîya nuştekîye daye û nê pare kerdî:
''Îqtîdaro ke nê rojanê Korona de semedê kêmkerdişê mergan veng dano ke wa şar keye de bimano hetêk ra polîtîkaya xo ya mirnayîşî domneno. Nimûneyo peyên zî ma vizêr dî. Gerîlayê HPGyî Egîd Îpeko ke 23ê gulana 2017î de Qilê Xelesorî yê Dêrsimî de şehîd kewtbi û rixmê heme muracatan meyîtê ci nêdîyabi keyeyê ci vizêr pê kargo ci rê ame şawitene. Maye Halise Aksoya ke meyîtê lajê ci pê posta teslîmê ci bi vat: ''Gama ke ez Edlîyeya Amedî de persaya mi vat 'emanet çîyo' înan vat 'esteyê şima ameyî zereyê qutî' de yê.'' No çîyêko teberê merdimîye yo û cayê ci qet yew dînî de çîn o. No îşkence, zulim û faşizm o. No kerdişê îqtîdarî yo verên nîyo vera cinîyan û şarê Kurdî zulmê înan ma tim vînenê. Meyîtê Dayîka Taybete 7 rojî kuçe de erdî de mend, Goristanê Garzanî ra meyîtî ameyî vetene, goristanî ameyî bombardûmankerdene û meyîtê cinîyanê ke ameyî qetilkerdene rut ameyî ramojnayene. Cinîyî û dayîkê kurdan do nê fogografî çirey xo vîr ra mekerê. Ma dejê maye Aksoye pare kenê û seba ke meyê bînî nê dejan meancê ma do vera îqtîdarî vengê xo hîna berz bikerê. Wezîrê Karanê Zereyî ke vengdayîşê keye de bimane keno perpirsîyarê nê dimenan o.''
