Berpisîyaranê herême yê Rêxistina Çimdarî ya Heqanê Merdiman (HRW) ra Michael Page  eşkerayîya nuştekîye daye û Tirkîya  sey hêzê îşxalkerî name kerd.

Eşkerayîye de ame vatene ke surîyeyijî bi tewirê keyfî semedê hukmkerdişî rayîranê teberê qanûnî ra neqlê Tirkîya benê û raştê cezayanê tewr giranan yenê. Goreyê HRWyî çeteyê ke pabesteyê dewleta tirke yê Serêkanîyê de 63 kesî menganê teşîrna verêne û  kanûne yê 2019î de remnayî. Dewleta tirke menga teşrîna verêne de hêrişê îşxalî dabi destpêkerdene.

Michael Pageyî ard ziwan ke Tirkîya sey hêzê îşxalkerî tepişanê keyfîyan kena û vat gereka vera huqûqê nê merdiman hurmet bêro ramojnayene. HRWyî da zanayene ke înan remnayîşê 63 kesan belge kerd la beno ke êyê ke ameyî remnayene nizê 200 kesanê.

Goreyê Merkezê Cigêrayîş û Pawitişî yê Hemqanê Cinîyan ê Sûrîye Efrîn de 66 cinîyî ameyî qetilkerdene, tewr tay 149 cinîyî ameyî remnayene  û 178 zî raştê îşkenceyî ameyî.

Rêxistina Heqanê Merdiman ê Efrînî zî dabi zanayene ke mabênê adara 2018 û 31ê kanûna 2020î de Efrîn de tewr tay 674 sîvîlî ameyî qetilkerdene, 7 hezar û 343 kesî ameyî remnayene. Reyna 314 hezar û 400 zêtunerî ameyî birnayene. 10 hezar donumê erazî ame veşnayene, 75 cayê tarîxî û cayê merasîman ameyî talankerdene.