Rojnameyê Serxwebûnî pê hûmaraya 472. resa  destê wendoxan. Manşetê rojnameyî ''Wextê şerê şorişgêrî yê şarî yo, gerîla û şarê kurdî he ca de xoverdayîş de yê'' yo.

Rojname de Endamê Konseya Rayberdişî yê KCKyî Mustafa Karasu rojdemê sîyasîyî ercneno.

Endama Komîteya Merkezê PKKyî Xalîde Engîzek zî persanê rojnameyê Serxwebûnî cewab kena.

Reyna sey timî rojname de ercnayîşê Rayberê Şarê Kurdî Abdullah Ocalanî estî.

Nuştoxanê rojnameyî ra Cemal Amed zî vano  rojdemê şarê Kurdîstanî û Tirkîya qefilanayîşê HDPyî nê rijnayîşê faşîmzê AKP-MHPyî yo.

Cîhan Erbaş zî tecrubeyê Xoserîya Demokratîke ya Rojawanî geno dest.

Endamê Konseya Serekîya Pêroyîye yê KCKyî Sozdare Avesta zî raştîya Şingalî û xoverdayîşê vera qirkerdişî nuşt.

Enver Polat (Selçuk Şahan) o ke çapemenîya kurdî de cayê ci yo muhîm esto  û 11ê nîsane ya 1998î de şehîd bi qelema ey ra zî nuşteyêkê vîrameyîşî  yeno parekerdene.

Kapaxê peynî yê rojnameyî de sey pêro pelî fotograf û şîîrêka Endamê Konseya Fermandarîye ya HPGyî Sînan Dêrsimo ke 27ê teşrîna verêne ya 2020î de şehîd bibi yenê parekerdene.