Hûmara serra 40. ya rojnameyê Serxwebûnî pê manşetê 'Xoverdayîşê şarê ma do Hemleya Azadîye ser bivisno' vejîyaye. Rojnameyê Serxwebûnî pê na hûmare  39 serrî xo pey de verdayî.

Na hûmare de Endamê Komîteya Rayberdişî ya KCKyî Mustafa Karasu, Endama Komîteya Merkezî ya PKKyî Dilzare Dîrok, Endamê Komîteya Rayberdişî ya PKKyî Duran Kalkan, Endamê Komîteya Îdeolojîke ya PKKyî Cemal Amed, Endamê Komîteya Şar û Bawerîyan a KCKyî Cîhan Eren pê nuşteyanê xo ca gênê.

Rojname de derheqê Qirkerdişê Parisî de Endama Meclîsê PAJKî Hêlîne Umît reyde roportajêk ame kerdene.

Rojname de raporo polîtîko ke Rayberê Şarê Kurdî Abdullah Ocalanî 1995 de dabi Kongreya 5. ya PKKyî ca gêno.

Na hûmare de Hemleya Azadîye, Qirkerdişê Parisî, sîstemo kapîtalîst û raştîya milîtan û şehîdan a Têgêrayîşê Azadîye yê Kurdîstanî yenê ercnaye.