Hunermend û pêşkêşwanê Stêrk TVyî Şêrko Celalî vîrusê Korona de şaristanê Lille yê Fransa de vizêr dinyaya xo bedilnaye.

Xeebatkaranê Stêrk TVyî wefatê ey ser o na eşkerayîye weşanaye:

''Şêrko Celal Mamêl Koyê bi nameyê Şêrko Celalî şinasîyayêne serra 1956î de şaristanê Koyî yê Başûrê Kurdîstanî de dadîya xo ra bi. Celal 1974 de birayê xo resam Rehbar Celal reyde bi pêşmerge û koyan de xizmetê şorişî kerd. Dima ke şoriş bin kewt Şêrko Celal agêra Başûrê Kurdîstanî û 1982 de verê xo da Fransa.

Şêrko Celalî 2002 de Roj TV de dest pê bernameyê Rojbaş Kurdistanê kerd. Celalî wextêk vernameyê Tîşkî Huner amade û pêşkêş kerd. Serra 2012î de zî nameyê bername vurna û Stêrk TV de bernameyê Rêjney Reng kerd. Celalî Stêrk TV de bi seyan bernameyî amade kerdî û xebatanê medya ra ber zî ey peyê xo de xeylêk ceribnayîşî, meqaleyî û şîîrî verdayî. Ma sey xebatkaranê Stêrk TVyî keye û dostanê Şêrko Celalî ra serweşîye wazenê.''