Ronayoxanê TV10 û Can TVyî ra Huseyîn Narliyê ke nêweşîya kanserî ra dinyaya xo bedilnaye do 13ê çeleyî de bêro definkerdene.

Eşkerayîya ke hetê keyeyê Narliyî ra ameye dayene de ame vatene, ''Dejê ma pîl o. Kesê ke semedê parekerdişê dejê ma gêrenê ma û ma persernê ma înan rê spas kenê.''

Eşkerayîye de ame vatene ke Narli do 13ê çeleyî, saete 10:00 de Merkezê Kulturê Elewîyan ê DAKME ê Dortmundî de heqî rê bêro oxirkerdene. Eynî roje do cenazaya Narliyî adresê ''Hauptfriedhof, Immanuel-Kant-Str. 52'' yê Bochumî de bêra definkerdene.

Keyeyî vat kesê ke wazenê înan rê vilakan bişawê, eşkenê herinda naye de hetkarîya HEYVA-SORE bikerê.

Nameyanê muhîman ê têgêrayîşê sosyalîstanê Tirkîya ra Huseyîn Narli hîrê serrî yo tedawîya kanserî dîyênî. Narli 9ê çeleyî de bajarê Bochumî yê Almanya de dinyaya xo bedilnaye.