Seba qezaya Kadikoyî ya Îstanbulî namzedê DEM Partî Nîmete Çelebî Erdogan û Veysî Eskî. Namzedan ANFyî rê qalê bername û projeyanê xo kerd.

Nîmete Çelebî Erdogan dîyar kerd ke roniştoxê Kadikoyî wayîrê terzê xo yê cuye vejîyenê û Kadikoy merkezê pêro têkoşînan o. Nîmete vat: ''Seba ke tîya de xeylêk kêmasî est ê ke ganî çareser bibê ma bîyî namzed. Xora bernameyê ma esas no yo ke ganî taxe xo îdare bikera, şaristanî xo îdare bikero û welat xo îdare bikero. Ganî her taxe wayîrê meclîsan biba ke birê antî-demokratîkî nêgêrîyê. Ma wazenê ke şaredarîye de bi hawayêkê têdûştî cinîyan îstîhdam bikerê.''

Namzed Veysî Eskîyî bale ante pirrnasname û pirrkulturelîya Kadikoyî ser û vt: ''Kadikoy xizmetanê herêmîyan de apey mendo. Sey DEM Partî ma bi ferasetêkê goreyê nasnameyê Kadikoyî xizmet bikerê. Ma do şarî reyde na qeza îdare bikerê. Kadikoy de arenaya propagandayan çin a û ferasetê globalî est ê. Ma zî na noqta de ferqê DEM Partî mojnenê. Ferqê DEM Partî no yo ke ma do bi xebata kolektîfe şarî tewrê îdareyî kenê û şarî reyde têgêrenê.''