Kamaraya Lordan a serê Pêroyê Parlamentoya Yewbîyayîya  Qralîyetî de, yew konferanso rojane yo ke  fikrê Rayberê Şarê Kurdî Abdullah Ocalanî bêrê munaqaşakerene  do bêro organîzekerdene. Konferans serrgêra komploya mîyanneteweyîye ya 20’an de, bi nameyê ‘ Çareserîya Qrîzê Rojakewtena mîyanêne: Fikrê Abdullah Ocalanî‘ do bêro viraştene.

Konferans hetê sendîkayê ke wayîrê mîlyonan endamanê ra bi nameyê  ‘Kampanyaya Ocalanî rê Azadîye‘ ra yeno organîzekerdene.

FIKRÊ OCALANÎ YÊ ÇARESERÎYE DO BÊRÊ QISEYKERDENE

Hetê komîteya organîzasyonî ra yew beyanat ame dayene û wina ame vatene: “Konferans de qrîzê Rojakewtena mîyanêne Problemê Kurdan û vera nê probleman de fikrê Ocalanî yê çareserîye do bêrê qiseykerdene.“

Konferans de sernameyê sey konfederalîzmo demokratîk, qrîzê netew-dewletî yê  Tirkîya,Îran, Iraq û Surîye, dişmenîya dewleta Tirkî ya vera Kurdan a ke Surîye û Tirkîya de dewam kena û sîstemê îşkence yê Îmralî do bêrê qiseykerdene.

Akademîsyen, sîyasetmedar,parlamenter û huqûqnasî, sey qiseykerdoxan  do beşdarê ney konferansî bîbê.

15’ê SIBATE DE

Konferans de endamê Kamaraya Lordan ê Partîya Karkeran û Akademîsyen Lord Maurîce Glasman do wayîrîya keyeyî bikero û 15’ê Sibate de saet 09.00 ra heta saetê 17.00’î dewam bikero.