Bîn şewe bi hastagê #JiBoKurdîÎmzeDikim (semedê kurdkî îmza kena) twîtter de paştî dîyaye kampanyaya seba perwerdeyê bi kurdkî. Vervatoxa HDPyî Ebru Gunay zî bi vîdeoyêka kirdkî (zazakî) semedê wayîrvejîyayîşî ziwanê dayîke veng da.
Torra Ziwan û Kulturê Kurdan û Platformê Ziwanê Kurdkî Change.org de seba ke kurdkî biba ziwanêko fermî 21ê sibate de kampanyayêke dabî destpêkerdene. Kampanya do heta 15ê Gulane Roşanê Ziwanê Kurdkî dewam bikera û dima îmzayê ke arê dîyayê do bierşawîyê dezgehan.
Reyna HDPyî zî 21ê Sibate Roja Ziwanê Dayîke ya Dinya de mîyanê xo de seferberîya musayîşê kurdkî dabi destpêkerdene.
Bîn şewe bi hastagê #JiBoKurdîÎmzeDikim (semedê kurdkî îmza kena) twîtter de semedê perwerdeyê bi kurdkî parekerdişî ameyî kerdene. Sere de parlamenterê HDPyî xeylêk kesan bi vîdeo û mesajanê xo waşt ke wa kurdkî bibo fermî û ziwanê perwerdeyî.
Ji bo siberoja zarokên me, tu jî îmze bike û li derdora xwe belav bike. Em bi hev re siberoja xwe ava bikin.#JiBoKurdîÎmzeDikimhttps://t.co/mbpyW9nHYu pic.twitter.com/j6XKzeRyPB
— Enstîtuya Kurdî ya Stenbolê (@EnstituyaKurdi) March 30, 2021
Vervatoxa HDPyî Ebru Gunay zî bi vîdeoyêka kirdkî (zazakî) bale ante muhîmîya ziwanê dayîke ser û waşt wa kurdkî bibo ziwanê perwerdeyî.
Perwerdeyê bi ziwanê kurdî heqê ma yo esasin o. Heta ma nê heqê xo bigîrê ma do xo ver ro bidê. #JiBoKurdîÎmzeDikimhttps://t.co/iWxmbThKVl pic.twitter.com/fN5PKIUzoI
— Ebru Günay (@av_ebrugunay) March 30, 2021
