Endamê Komîteya Rayberdişî ya PKKyî Murat Karayilanî ke Radyoya Dengê Gelî rê rodem erjna. Qiseykerdişê Karayilanî ra qismêk wina yo

''Dewleta tirke Metîna de cayo ke gerîlayî tede çîn ê, tîya xo ca kena û PDK û Iraq verê nê akenê. Bi nê tewirî kenê ke waranê gerîlayan bigêrê binê kontrolî. Dewleta tirke hinî rayîrê mabênê Bamernê û Kanimasî de kontrolê nasnameyan kena. Neçîrvan Barzanî zî ûca ro şiro do ey ra zî nasname bipersê.

Dewleta tirke Başûrê Kurdîstanî de polîtîkaya îlhakî rayra bena. Belka nika rîyê xo eşkera nêkena, stratejîya xo nêdano teber; Irak û Başûrê Kurdîstanî rê vana 'Ez vera PKkyî nê kena, şima paştî bidenê mi.'  Xo ra nuqta de PDKyî reyde pê kerdo, ê pîya yê. Eslê xo de wina îlhak yeno rayraberdene.  Her kes zano ke ewro Devlet Bahçelî Tirkîya îdare keno. Ewro qiseykerdişê Bahçelî de reyna na mesla bibî. Îdarekarê Iraq û Başûrî vatişê ma qiymet nêkenê. Qenî wa Bahçelî goştarî bikerî û nîyetê dewleta tirke fam bikerî. Dewleta tirke wazena Başûrê Kurdîstanî îlhak bikero. Çîyo ke vizêr Efrînî kerd ewro wazenê Başûrê Kurdîstanî rê bikerî. Wazenê heme Rojawanî rê zî nê bîkerî. Xora nê mîyan nêkenê.

Qoricîyî xayînî, dişmenî rê hetkarî kenê û tifinganê dişmenî genê destê xo. No semedê kurdan birîna xidara ke dermanê ci çîn o. Mi veng dabi înan ke qet mebo wa heta Başûrê Kurdîstanî merê. Ma eşnawit ke Bedlîs, Mêrdîn, Çewlîg, Sêrt, Dêrsim, Mûş, Colemêrg û Şirnexî ra qoricîyan anê. Inkey 500 gorîcîyî ardî Başûrê Kurdîstanî. Kenê ke hûmara înan bikerê hîrlab.Wazenê înan Metîna, Zap û Avaşîn de ca bikerê û bifînê mîyanê şerî. Dişmen yeno warê to îşxal keno ti zî ci rê hetkarî kenî. Na koletîye ya.

Dewlete her hetî ra kurdanê xayînan vînena sey hemakarî şuxilnena. Vakur de qoricîyî, Başûr de PDK, Rojawan de tay kesî girewtî cayê xo, Anqara Îstanbul de otêlan de kenê weyê. Nê kesî pere genê dima ra zî vanê 'ma ENKS ê.' Tarîx de qet yew têgêrayîşê kurdan têna bi tirkan nêdîyayo war. Pêrune de zafêr rolê kurdan est o. Na heqîqet mojnena ke kurdî qey heta ewro kole yê. La ewro ra tepişya dewleta tirke nêeşkena kurdan biverdo pê. Kurdî kurdê verênî nîyî, bi felsefeya Rayber Apoyî bîyî zaneye.

Yewzî ma şarê ma yê Vakurê Kurdîstanî bizano ke ma ûca şarê xora pere, hetkarî arênêdanê. Eke çew bi nameyê ma pere arêdano bizanê ke ajanê MÎT ê. Beno ke welatperwerî vînenê ke hewceyê gerîlayan est o û xover pere danê no çîyo cîya yo. Hewcedarîya embezan est a zî ez zana. La seba ke ma kayanê dişmenî betal bikerê ma hinî hetkarî arênêdanê, nê wedarnenê. Xora verî zî çînbi la tay waran de yewîyanê ma ge ge arêdayêne. Ma bi xo kesî ra nêvanê 'şi pere arêdê. ' Şarê ma wa nê kayana mexapîyo.''